sbaston informa

A subvención hai que devolvela con intereses de demora, o que vai supoñer ó Concello un custo adicional duns 18.000 euros aproximadamente

O voceiro do Grupo Muncipal Popular no Concello de Santiago, Xerardo Conde Roa, advertiu hoxe que devolver ó Ministerio de Industria a subvención que este tiña ingresada por non facer o proxecto Santiago de Compostela, ciudad de la madera , vainos custar 18.000 euros aproximadamente, porque hai que devolvela con intereses de demora.

Conde Roa manifestou hoxe que perder unha subvención do Ministerio de Industria por non facer un programa “é un exemplo máis da absoluta falla de xestión que caracteriza ó Concello, da deixadez por parte dos concelleiros e sobre todo da improvisación á hora de presentar un plan".

Conde Roa engadiu asemade que tal e como figura na dirección que podes consultar premendo enriba deste enlace CIDADE DA MADEIRAo progama tiña unha subvención moito máis importante que a ingresada polo Ministerio, en total 498.500 euros, porque a segunda parte se pagaría unha vez presentado este.

Para o voceiro popular “o que carece absolutamente de sentido e é unha irresponsabilidade manifesta é usar o nome de Santiago de Compostela para presentar un proxecto e que logo se deixe caducar a subvención e haxa que devolvela".

“Este é un claro exemplo, unha vez máis, de que non existen gañas de traballar, de poñer novas ideas en marcha, e sobre todo da falla de xestión terrible no Concello".

O voceiro popular indicou que dende o Grupo Municipal Popular estase tentando recoller toda a documentación posible que sexa necesaria para comprobar que sucedeu, aínda que todo apunta a que estamos diante dun caso de “absoluta falla de previsión que ó final van a pagar unha vez máis os composteláns porque haberá que devolver a subvención cos correspondentes intereses de demora".

Cualifica de “irresponsable” a actitude do goberno municipal por non ter aínda aprobadas as contas

Máis do 70% dos nenos de 0 a 3 anos de Santiago non teñen praza nas garderías municipais

A subvención da Xunta que percibiron no 2007 foi un 40% inferior á do 2006″

O concelleiro responsable do seguimento da área de Educación do Grupo Municipal Popular, Ángel Currás, afirmou hoxe que a situación pola que atravesan as escolas infantís municipais de Conxo e Fontiñas é a primeira consecuencia visible da falla do orzamento municipal. Cualifica de “irresponsable” a actitude do grupo de goberno por non dispor a estas alturas das contas.

Ángel Currás e Paula Prado del Río fixeron hoxe declaracións sobre a grave situación pola que atravesan as garderías municipais, despois de asistir o pasado mércores a unha asamble convocada pola dirección do centro na que denunciaron as dificultades económicas polas que atravesan. Na actualidade, as dúas escolas infantís, que están xestionadas por unha empresa, sofren desequilibrios financeiros.

Para o concelleiro popular, “a educación infantil competencia do Concello está sufrindo unha vez máis a falla de previsión e a improvisación continua da Concellaría de Educación".

Currás fixo un repaso tamén pola situación das outras escolas infantís. Así, con respecto á de San Roque, manifestou tamén como a día de hoxe segue pechada e sen data de apertura por mor da falla de orzamento. Neste senso lembrou como en novembro de 2007 decía Guadalupe Rodríguez que “solo faltan retoques” e que ía funcionar no segundo trimestre e como non sómente non foi así, senón que a Comisión de Goberno do día 26 de decembro do 2007 anulou unha retención de crédito por importe de 19.931,85 euros existente nos orzamentos para financiar parte do equipamento da escola porque a tramitación do expediente non a fixeron antes do 31 de decembro.

Canto a gardería do Polígono do Tambre, recordou tamén como debería inaugurarse segundo as previsión anunciadas polo Concello no curso 2008-2009, é dicir, dentro de pouco máis de cinco meses, e como un mal replánteo fai que a obra teña que ser demolida en parte.

“Como consecuencia máis do 70% dos nenos en idade de escola infantil non dispoñen de praza pública en Santiago”, manifestou Currás quen pide a Sánchez Bugallo que afronte a educación infantil con seriedade e rigor, e que adopte urxentemente todas as medidas necesarias para xerar tranquilidade nas familias e non “desasosego e indignación".

Paula Prado

O concelleiro responsable do seguimento de Educación compareceu acompañado pola concelleira encargada do seguimento de Política Social, Paula Prado, para quen a situación que atravesan as escolas infantís “é unha demostración máis da falla de liderado político de Bugallo porque non defende ante a Xunta de Galicia a subvención que as garderías municipais recibían desta dende o ano 2002″.

Neste sentido manifestou que o problema xurdiu na convocatoria do 2007, cando a axuda pasa de 65.000 euros, que se concederon no ano 2006, a 39.200 euros. Para Paula Prado “isto obedece á necesidade do BNG de impoñer o seu programa electoral pois en maio de 2007 comprometeuse a incorporar á rede de galescolas estas dúas garderías municipais xunto coa de San Roque.

Pídelle a Bugallo que pense na cidade e non en clave de partido para sacalos adiante, porque Santiago está paralizada

O voceiro do Grupo Municipal Popular, Xerardo Conde Roa, pediulle hoxe a Bugallo que pense na cidade e non en clave de partido para sacar os orzamentos adiante, porque Santiago está paralizada. Neste senso indicou que o Grupo Municipal Popular esperará este mes, ata a data do vindeiro pleno ordinario, e que senón pedirá un pleno extraordinario no que solicitará ó alcalde que explique ás razóns do retraso porque esta situación “é inadmisible".

Conde Roa fixo hoxe estas declaracións en rolda de prensa, na que estivo acompañado pola concelleira do Grupo Popular encargada do seguimento da área de Economía, Cecilia Sierra Rey.

Pola súa banda, Cecilia Sierra analizou a situación económica actual do Concello lembrando que a débeda real é de 67 millóns de euros, o que supón un 73% dos ingresos correntes liquidados en 2007.

Canto o estado de execución do orzamento do 2007, pediu unha explicación ó respecto lembrando que en ingresos executuose o 73%, en gastos o 64% e canto a inversión somente o 30%.

Na súa intervención, Cecilia Sierra falou tamén dos gastos pendentes de pago lembrando que existen proveedores e prestadores de servizos sen cobrar as súas facturas, porque se recoñeceron 99 millóns en gastos e somente se pagaron 78 “polo que hai uns 20 millóns de euros sen cobrar por parte de persoas que fan os seus traballos para o Concello". Engade que esta situación supón unha mala imaxe ademais dunha deficitaria xestión dos recursos públicos.

Neste senso manifestou que o importe de acreedores pendentes de pago é de 28 millóns de euros, o que supón un 87% do pendente a finais do 2006, é dicir, que o 87% segue sen cobrar.

“A situación actual pola que atravesa o Concello en materia económica é anormal", dixo a concelleira, lembrando que a estas alturas todavía non hai en Santiago orzamento municipal para o ano 2008 “por eso a imaxe da Capital de Galicia non é boa e moito peor para os intereses dos composteláns porque a execución e a inversión están paralizadas".

Canto o estado financiero do Concello, Cecilia Sierra indicou que o remanente de tesorería, que constituye básicamente o resume do estado financieiro do Concello, é negativo en máis de 300.000 euros “e eso supoñendo que o cálculo que se realiza dos saldos de dudoso cobro, que é de 4 millóns de euros, sexa correcto.

A concelleira fai constar que este saldos de dudoso cobro incrementáronse nun 3,2 % respecto ó ano anterior polo que “a situación empeorou pois se recaudan menos recursos, é dicir, o Concello presoposta ingresos que despois non é capaz de cobrar".

Sierra Rey falou tamén do motivo do baixo porcentaxe na execución do orzamento explicando que canto a ingresos o Concello presupostou 115 millóns, pero somente recaudaron 95 millóns, polo que hai un desfase de case 20 millóns de euros sen recaudar.

Canto á liquidación de gastos, se presupostan 110 millóns, aumentando a 153 e recoñecendo 99, “polo que o resultado é unha execución do 64%".

A cronoloxía do pavillón polideportivo podes consultala premendo aquí, na que se pode observar o retraso que existe na obra cuios inicios se fixan no ano 2004

O concelleiro responsable do seguimento da área de Deportes do Grupo Municipal, Ángel Espadas, manifestou hoxe a súa preocupación polo importante retraso acumulado na execución das obras do Pavillón Polideportivo do IES de Pontepedriña, que oito meses despois da data de finalización aínda está sen rematar.

Espadas, acompañado polo concelleiro responsable do seguimento de infraestruturas, Albino Vázquez Aldrey, visitou esta mañá esta obra, que se atopa na actualidade practicamente parada, xa que sómente uns catro operarios traballan no recinto con labores de remate da estrutura metálica da instalación, o que evidencia, dixo o concelleiro “a paralización virtual porque non avanza". Engadiu asemade que “facendo un cálculo e cos medios que hoxe en día teñen alí desprazados podería rematarse no 2020, e mentres a comunidade escolar de Pontepedriña está sen servizo".

Ángel Espadas presentou ó respecto unha pregunta que será debatida no vindeiro Pleno ordinario do Concello, na que pide ó concelleiro responsable, Andrés Fariña, que explique esta situación porque descoñecen si houbo un problema de financiamento. Considera que o Concello, por unha cuestión de responsabilidade e dilixencia, debe poñerse mans a obra para axilizar esta instalación porque así o di o convenio firmado no 2004 no que se recolle que calquera das Administracións implicadas teñen todo o dereito e a obriga a levar a cabo o control na execución da obra. Tamén lembrou como na clásula oitava do mesmo se fala da creación dunha comisión para seguir a tramitación e execución das obras que -dixo- “espero que estea en vigor".

Tamén pide explique a qué se debe o retraso e cando vai a estar finalizada esta obra encamiñada a dar servizo á comunidade escolar de Pontepedriña. Asemade que informe por qué non hai acceso dende o instituto, situación que cualificou de “surrealista” xa que cando os alumnos teñan que ir as clases de Educación Física deberán saír a rúa e acceder por fora do recinto ó pavillón porque non está previsto o acceso directo dende o centro.

Na comparecencia pública, o concelleiro indicou que “aínda que entende que a contratación e execución das obras non é responsabilidade directa do Concello si é moral polo mero feito de ceder os terreos para facer a obra". Tamén quere saber si o feito de que a vixencia do convenio, que finalizou en decembro no ano 2007, vai ter repercusión á hora de levar a cabo tódalas clásulas do convenio, xa que o Concello levará a cabo a xestión e mantemento posterior desta instalación.

Canto a dobre competencia de Fariña, tamén concelleiro de Economía, dixo que non atende nin ó deporte nin os orzamentos xa que a estas alturas do ano seguimos esperando a súa aprobación.

O cartel da obra establece o comezo desta en agosto de 2006 e o seu remate un ano despois, en agosto de 2007. Ten un orzamento de 830.000 euros.

Limpeza de fincas

Pola súa banda, o concelleiro responsable do seguimento da área de Medioambente, Ricardo García-Borregón, cualificou hoxe de “absolutamente insuficiente” a cantidade habilitada por Raxoi para a limpeza de fincas. Considera que a subvención debería ser duns 1.000 euros por roza manual e duns 400 por roza mecánica.

Tamén engadiu que é insuficiente a superficie na que se vai actuar, unhas 50 hectáreas segundo recoñece o Concello, porque Santiago conta con 230 km2.

Para Ricardo García-Borregón o Concello debería facer tamén unha labor de información máis axeitada para tentar chegar ó maior número de cidadáns posibles.

Considera urxente a súa aprobación porque a cidade está paralizada

O orzamento é necesario para poñer en marcha obras como a gardería do Polígono do Tambre, o cuartel da Policía Local, a Aula da Natureza de Portela, o Parque de Bombeiros ou o pavillón polideportivo de Fontiñas, entre outras

O voceiro do Grupo Municipal Popular, Xerardo Conde Roa, solicitou hoxe a Bugallo que non demore máis a aprobación dos orzamentos municipais porque como consecuencia do seu atraso non temos proxectos novos na cidade nin perspectivas de crecemento en infraestruturas.

Engadiu que a situación na que o goberno municipal está avocando á cidade “é insostible", porque neste momento estamos no mes de abril e aínda non coñecemos os orzamentos. Mentras, engadiu, vemos como están paralizadas obras como o pavillón polideportivo de As Fontiñas, a Aula da Natureza de Portela, a gardería do Polígono do Tambre, o Parque de Bombeiros, o Cuartel da Policía Municipal ou a urbanización da rúa de Canteira de San Lázaro, entre outros.

Para Conde Roa esta situación que se vive no Concello de falla de orzamentos “é algo verdadeiramente sorprendente” porque estamos diante un goberno municipal con mayoría absoluta que teñen 14 concelleiros no pleno e poden perfectamente elaboralo e presentalo sen ningún tipo de oposición".

Por esta razón, o voceiro popular entende que os problemas son básicamente de distribución de cartos entre os dous socios de goberno que están máis preocupados por conseguir para cada quen o maior número de euros que por resolver os problemas de Santiago, xa quen sin estes non se poden afrontar obras necesarias na cidade. Tamén lembrou como a falla de orzamento está a xerar unha seria inquietude en diversos colectivos deportivos, culturais e sociais de Santiago á hora de recibir as inversións previstas.

Para o Grupo Popular a promoción da cidade en calquera parte do mundo é positiva, sempre que se atendan as necesidades básicas dos cidadáns

O voceiro do Grupo Municipal Popular, Xerardo Conde Roa, manifestou hoxe que considera excesivo o gasto de cinco millóns de euros na Expo de Shanghái, á vez que sostén que vai ser moi difícil que o Concello pódase permitir gastar esta cantidade.

Engade que a pesar de que todo este tipo de eventos sempre ten o lado positivo de promoción da cidade, evidentemente ten un custo que neste caso “excede claramente o que son as posibilidades económicas do Concello de Santiago".

“A promoción da nosa cidade en calquera parte do mundo é positiva, pero sempre que se atendan primeiro as necesidades básicas dos composteláns", indicou hoxe o voceiro popular, quen lembrou que todavía hoxe en día hai veciños da zona de Sarela de Abaixo que están sen saneamento.

O Grupo Municipal Popular presenta no pleno ordinario que se celebra hoxe en Raxoi dúas mocións e unha pregunta. Concretamente sobre a execucuión das obras dunha nova zona deportiva en San Lázaro, o vertedoiro de residuos no lugar de Miramontes, na parroquia de Grixoa, e canto á participación do Concello en programas de finanzamento da Unión Europea, respectivamente.

Para consulta-la moción sobre San Lázaro, que será defendida polo concelleiro responsable do seguimento da área de deportes, Ángel Espadas, pulsa aquí.

Canto á segunda moción, que será defendida polo concelleiro do Grupo Popular responsable do seguimento da área de Medioambiente, Ricardo García-Borregón, preme aquí para consulta-lo texto.

Fai ó mesmo para acceder ó texto da pregunta que defenderá o concelleiro Jesús Gamallo

O concelleiro responsable do seguimento da área de Turismo, Cooperación e Desenvolvemento do Grupo Municipal Popular, Jesús Gamallo, quere saber a participación do Concello de Santiago en programas de finanzamento da Unión Europea.

Gamallo presentou unha pregunta por rexistro ó respecto que irá ó pleno ordinario do vindeiro xoves, co obxecto de coñecer e advertir sobre esta posibilidade, e que podes consultar premendo enriba deste link.

No texto, o concelleiro lémbralle ó goberno municipal os programas nos que pode participar.

Considera que doce anos no retraso son suficientes como para non demorar máis a obra

Fixo tamén unha valoración sobre o retraso na negociación dos orzamentos

O concelleiro responsable do seguimento da área de Deportes do Grupo Municipal Popular, Ángel Espadas, pide que se axilice canto antes a obra e se modifique o proxecto da nova área deportiva de San Lázaro para que sexa incluída a iluminación, que considera é estritamente necesaria en Santiago para entrenar.

Tamén sostén que alguén terá que dar as explicacións pertinentes sobre o seu retraso porque entende que “a falla de rigor e dilixencia dalgún responsable municipal está a por en serio risco a execución do proxecto financiado case na súa totalidade pola Xunta de Galicia".

Espadas presentou hoxe unha moción ó respecto no rexistro municipal do Concello (para consultala pulsa aquí), tras visitar os terreos onde se vai ubicar acompañado polo presidente do equipo de fútbol “Victoria” de San Lázaro, Salvador Figueiras.

Orzamentos

O concelleiro Ángel Espadas fixo tamén hoxe unha valoración sobre o “aparente” inicio na negociación dos orzamentos municipais indicando que “nin están nin se lles espera". Sostén que trasladar ó BNG sómente o capítulo de ingresos significa “non ter feito os deberes” nesta materia, que por enriba é inferior ó de 2007.

Espadas dixo que “agora si entendemos por qué non se fixo a negociación antes da data das eleccións xerais e é porque o PSdeG xa sabía que ía ser inferior e tiña medo que repercutira no resultado electoral en Santiago". Aínda así sostén que os cidadáns, que coñecen ben os incumprimentos de Bugallo, apostaron polo PP en Santiago e castigaron ó Partido Socialista", porque estamos diante dun tema máis no que se constata a falla de rigor e dilixencia coa que actúa o goberno municipal.

“Con este panorama sómente nos queda esperar porque está claro que en marzo non haberá orzamentos, aínda que pode ser que sí para o outono". Sostén que sen estes non se poden afrontar obras necesarias na cidade e que é unha cuestión máis de “esperanza que de realidade".

Tamén engadiu que o Grupo Municipal Popular, ante un tema tan serio e que está a paralizar o funcionamento da cidade como é a falla de orzamento, ofrece a súa colaboración ó equipo de goberno municipal para sacalos adiante. Sostén que os problemas vanse agravar aínda máis entre os dous partidos cando se inicie o reparto de cartos entre as diferentes concellarías.

O problema da falla de orzamento, segundo Espadas, xenera unha seria inquietude en diversos colectivos da cidade á hora de recibir inversións previstas.

O resultado na Capital de Galicia é o mellor das sete grandes cidades galegas

O candidato electo do partido popular ó Congreso dos Deputados, Xerardo Conde Roa, manifestou hoxe que o Partido Popular de Santiago consolídase como a primeira forza política da cidade. Engadíu que se sinte satisfeito polos resultados obtidos na cidade e agradeceu ós composteláns a confianza depositada e a destacada participación, así como o traballo desenvolvido polos afiliados. Tamén que tentará devolver a confianza que os electores depositaron nel defendendo a cidade no Congreso.

Para Conde Roa a cidade é un pequeno baluarte para o PP porque o resultado é o mellor das sete grandes cidades galegas, polo que lembrou que Mariano Rajoy pode presumir de apoios na cidade que o veu nacer.

Gerardo Conde Roa destacou que este importante respaldo significa a reafirmación do traballo que o Grupo Municipal Popular
fai no Concello e unha erosión de Bugallo e do seu equipo.

Conde Roa comparecía hoxe en rolda de prensa xunto coa candidata electa ó Senado, María Jesús Sáinz, e o presidente do PP de Santiago Ricardo García-Borregón para facer unha valoración dos resultados obtidos polo Partido en Santiago.

Pola súa banda, Ricardo García-Borregón manifestou que o PP gañou ampliamente as eleccións en Santiago, lembrando que a participación foi do 75,5% lixeiramente por debaixo da do 2004.

Tamén como o PP obtivo 26.156 votos, o que representa un 44,85%, e o sitúa a nove puntos do PSOE e a 32 do BNG. Engadíu que gañaron no 80% das 115 mesas, é decir, en todas as do rural, Casco Histórico e Ensanche.

Votou ás 11:00 horas no Colexio Rosalía de Castro, acompañado por María Jesús Sáinz que o facía media hora antes en Peleteiro

A partir das oito da tarde estará na sede local do PP, rúa Alfredo Brañas, 16 onde fará o seguimento electoral

O candidato do Partido Popular ó Congreso dos Deputados, Xerardo Conde Roa, depositaba o seu voto en urna ás 11 horas da mañá no Instituto Rosalía de Castro da Capital de Galicia, acompañado pola candidata ó Senado, María Jesús Sáinz, que o facía media hora antes no Colexio Peleteiro.

Tras saludar ó presidente, vocais e interventores da súa mesa, Conde Roa respostaba ás preguntas dos xornalistas indicando que a xornada en Santiago estaba a transcorrer con normalidade e tranquilidade, sen incidentes reseñables “salvo pequenas cosillas na constitución dalgunha mesa electoral que forma parte da tradición de todas as eleccións”

Conde Roa desexou unha alta participación e que todo o mundo se anime a votar. Tamén que e sexa “unha xornada festiva e tranquila dentro do posible e en todo caso agradable para todos".

Durante o resto do día, os candidatos de Santiago ás Cortes, percorrerán as diferentes mesas electorais de Santiago de Compostela para saludar ós interventores e apoderados, acompañados do presidente do PP de Santiago, Ricardo García-Borregón.

A partir das oito da noite permanecerán na sede local do partido, sita na rúa Alfredo Brañas nº16 entrechán, onde se irán recibindo os resultados das mesas electorais, e farán o seguimento da xornada.

O candidato ó Congreso dos Deputados polo Partido Popular, Xerardo Conde Roa, lembrou hoxe o rosario de incumprimentos do goberno de Zapatero coa cidade de Santiago de Compostela, entre os que citou o túnel de Galuresa, a falla de inversión para o peche do periférico, o terceiro carril da autoestrada, a autovía Santiago-Lugo, ou os escasos orzamentos que se destinan para a depuradora da Silvouta, que para este ano non chegan ó 15% do custo da obra.

O candidato popular fixo estas declaracións hoxe a preguntas dos xornalistas, nunha comparecencia pública na que acompañaba ó presidente do PP de Galicia, Alberto Núñez Feijoo tras participar nunha reunión con autónomos da cidade que se desenvolveu hoxe no Hotel San Francisco.

Na súa intervención, Conde Roa cualificou de lamentable esta situación, á vez que manifestou que si a partir do 9 de marzo hai un compostelán na Moncloa figurará entre as súas preocupacións facer as obras pendentes en Santiago.

Tamén lembrou como as últimas grandes obras que se desenvolveron en Compostela corresponden ás Administracións do PP, entre as que citou o Hospital Xeral e a Cidade da Cultura.

Ángel Espadas sostén que o PP e o primeiro partido en “ilusión”

Os candidatos percorreron máis de 2.500 quilómetros e uns 3.000 compostelán participaron nos actos organizados polo PP de Santiago

O Partido Popular de Santiago conta con tres afiliados nas listas: Xerardo Conde Roa, candidato ó Congreso, María Jesús Sáinz, candidata ó Senado e Paula Prado del Río, candidata suplente ó Senado

O coordinador da campaña electoral do Partido Popular de Santiago de Compostela, Ángel Espadas, manifestou que chegan á recta final da campaña cargados de ilusións polo bo recibimento e trato da cidadanía compostelán, que recibiron con agrado as diferentes mensaxes que lles trasladaron durante estes días.

Cualificou o balance da campaña electoral de “extraordinariamente positivo a pesares do esforzo que supón desenvolver o traballo con escasos medios que compensamos con moita ilusión e capacidade de traballo", dixo.

O Partido Popular de Santiago conta con tres candidatos composteláns nas listas que concorren as vindeiras eleccións xerais deste domingo, que son Xerardo Conde Roa, como número dous ó Congreso pola provincia de A Coruña, María Jesús Sáinz, candidata ó Senado e Paula Prado del Río, candidata suplente ó Senado, que percorreron máis de 2.500 quilómetos participando nos actos desenvolvidos en Noia, Ribeira, Ames, Padrón, Boqueixón, Arzúa, Brión, Vedra, Frades, Lousame, Negreira, Rois, A Baña, Ordes, Boiro, Oroso, Santa Comba, A Coruña, Narón, Melide, O Pino, A Pobra e Toques.

Ángel Espadas fixo hoxe unha valoración da actividade desenvolvida durante a precampaña e a campaña polo Partido Popular de Santiago na cidade e na comarca que comezou concretamente o día 12 de febreiro coa visita da presidenta do Partido Popular do País Vasco María San Gil. A partires deste momento, os candidatos ó Congreso e ó Senado, Xerardo Conde Roa, María Jesús Sáinz e Paula Prado mantiveron reunións sectoriais con diferentes colectivos da cidade coma Santiago Centro, Compostela Monumental, Asociación de Hostalería, Acotés, Área Central, Praza de Abastos, Cámara de Comercio, Empresarios do Tambre e Asociacións do Rural, coas que intercambiaron impresións para coñecer as súas inquedanzas, e ós que lle trasladaron o programa do PP. Tamén visitaron institucións emblemáticas da cidade como o Arcebispado ou a Universidade.

Tamén os candidatos participaron en actos como a conferencia dada por Mari Mar Blanco, organizada pola Asociación de Vítimas do Terrorismo, que presentou Conde Roa, e que congregou a máis de 200 persoas.

Destacadas figuras da política nacional e autonómica pasaron asemade por Santiago, como Gustavo de Arístegui, Mercedes de la Merced, Manuel Fraga e Alberto Núñez Feijoo. En total celebráronse máis de 20 actos electorais na nosa cidade durante esta campaña electoral, na que participaron máis de 3.000 composteláns.

Para Espadas, a receptividade coa que foron recibidos por tódalas organizacións constitúe un apoio fundamental hacia dous candidatos composteláns que terán responsabilidades de goberno en Madrid na vindeira lexislatura si os cidadáns lles dan o seu apoio o vindeiro domingo, e que, dende o seu coñecemento da cidade poderán loitar por sacar adiante temas fundamentais para Santiago. Tamén amosou o seu agradecemento ás forzas de seguridade do Estado pola colaboración amosada nalgúns actos organizados polo PP.

Ángel Espadas felicitou públicamente ós candidatos polo seu tesón e capacidade de traballo, e a todo o equipo de campaña que colaborou, asegurando que o PP de Santiago ten un brillante futuro.

O PP de Santiago pide o voto para Rajoy porque é “galego coma nós”

A candidata ó Senado polo Partido Popular, María Jesús Sáinz, pediu hoxe a colaboración de todos os veciños de Santiago para conseguir, entre todos, poñer un compostelán na Moncloa, no goberno de España “porque Mariano Rajoy é un galego coma nós".

Ante un auditorio cheo, á líder popular lembrou como tanto ela, no Senado, como Xerardo Conde Roa no Congreso defenderán os intereses desta cidade en Madrid si a partires do 9 de marzo contan co apoio da cidadanía.

O Partido Popular de Santiago celebrou hoxe no restaurante Paz Nogueira do Castiñeiriño unha festa mitin para os maiores á que asistiron unhas 600 persoas.

María Jesús Sáinz lembrou como Rajoy foi vicepresidente da Xunta de Galicia cando ela era conselleira de Educación, e como coñece ben Galicia e os problemas dos galegos. Tamén como é necesario contar con él no goberno de España para reactivar o Plan Galicia.

Amosouse orgullosa da grande cantidade de persoas maiores que se acercaron ó mitin, porque “son a escola da vida” e polo tanto os que saben quen son os políticos que “despilfarran” e os que adican os recursos ó importante.

Conde Roa sostén que é difícil facer as cousas peor por parte do Concello

Insisten na necesidade do peche do periférico polo norte e o terceiro carril da autoestrada

Á asociación de Empresarios do Polígono do Tambre que preside Jesús Chenel mantiveron este mediodía unha reunión con Conde Roa e María Jesús Sáinz na que lle trasladaron a súas preocupacións polas infraestruturas que afectan ó Polígono do Tambre, entre as que figuran a gardería, que neste momento está paralizada porque a estrutura non colle na parcela.

Para Conde Roa subliñou que “é difícil facer as cousas peor por parte do Concello” porque esta nova chapuza, que xa ven sendo habitual por parte do goberno municipal, engade cando menos un retraso dun ano máis nesta obra tan necesaria para os composteláns. A gardería leva paralizada dende o mes de outubro e debería estar rematada no vindeiro mes de maio.

Outro dos temas tratados na reunión foi a necesidade urxente de mellorar os accesos ó Polígono do Tambre coa construcción do terceiro carril da autoestrada e co peche do periférico pola zona norte, que aliviaría de tráfico a Avda. de Castelao, asituación do aeroporto de Lavacolla, que perde posicións fronte os outros dous galegos, ou a falla de solo industrial.

Pola súa banda, Conde Roa insistiu na necesidade de reclamar onde faga falla que o AVE esté conectado co aeroporto de Lavacolla, como elemento imprescindible e necesario para potencialo, e que foi obxecto de discusión no pleno ordinario que se celebrou onte en Raxoi.

Sobre todo cando cada vez hai máis casos de mulleres asasinadas

Conde Roa e María Jesús Sáinz mantiveron unha reunión coa Directiva da Praza de Abastos onde anunciaron que si goberna o PP impulsarán o aparcamento no subsolo da Praza de Abastos

Canto á visita de Cristina Narbona, Conde Roa lembrou que para a depuradora da Silvouta a asignación orzamentaria para este ano non chega ó 15% do seu custo

A presidenta nacional da Asociación Mulleres en Igualdade, Mercedes de la Merced, amosou hoxe en Santiago a súa preocupación porque a única Casa de Acollida que existe en Compostela “posiblemente deixe de selo cando cada vez por desgraza hai máis mulleres asasinadas".

Engadíu que este tipo de sitios onde unha muller vai cunha man diante e outra detrás, con seus fillos si os ten, e coa auotestima polo chan son muy necesarios, sobre todo porque hai máis mulleres que denuncian e que durante moitos anos calaron e renunciaron a ser libres. Para Mercedes de la Merced, cando unha muller da este paso “ten que sentirse protexida, amparada e acollida".

Mercedes de la Merced compareceu hoxe en rolda de prensa en Santiago xunto cos candidatos ó Senado e ó Congreso María Jesús Sáinz e Xerardo Conde Roa, respectivamente, despois de participar onte pola noite no Hotel Araguaney nun acto con mulleres. A asociación que preside xestiona seis casas de Acollida en España. Segundo explicou o ano pasado a Administración denegou a axuda para a Casa de Cádiz e este ano para a de Salamanca “cando o que pedimos é a metade do que custou o arranxo do piso do Sr. Bermejo", dixo.

Na súa intervención destacou tamén a necesidade de dotar a Lei de Violencia de Xénero de partida orzamentaria porque “as leis poden ser boas, pero si non se dotan de cartos non se consigue o resultado que desexamos". Nesto senso pediu ó goberno que explique en qué invirten os cartos que todos pagamos, e fixo referencia á visita da Ministra de Medioambiente, Cristina Narbona hoxe a Santiago indicando que espera que diga por qué a Depuradora non está rematada cando debería estalo dende fai xa tempo.

Ó respecto, Conde Roa manifestou que “é unha pena que unha muller tan capaz teña que recorrer á pobreza argumental” de culpar ó PP para tapar a súa ineficacia, en referencias as declaracións de Narbona de hoxe, á vez que lle lembrou a Bugallo que ata o momento nunca foi capaz de conseguir que se fixera.

Mercedes de la Merced falou tamén de como o goberno socialista falou de implantar en toda España os xulgados de violencia de xénero e non o están, e de como prometeron un plan personalizado para todas as vítimas que tampouco se cumpriu.

Solicitou tamén cambiar a Lei de Violencia de Xénero para conseguir que unha muller dende o momento no que denuncia teña dereito a ter asistencia letrada. Asemade que o alcoholismo e a drogadicción non deben ser causa de atenuante en delitos como estes, e que ten que haber un xuízo rápido contra os que quebrantan a orde de alonxamento. Tamén máis xulgados en todas e cada unha das provincias e un tratamento integral e personalizado a cada unha das persoas que denuncian.

Na súa intervención fixo referencia á Lei de Dependencia que dixo sería magnífica si tivera partida orzamentaria necesaria, pero os recursos económicos destínanse a outras cuestións, engadiu. Pola súa banda María Jesús Sáinz lembrou que eliminaron dos orzamentos do Estado unha partida que había do Fondo de Axuda das Comunidades Autónomas.

A Mercedes de la Merced gustaríalle que a figura do maltratador saíra na televisión cun rótulo debaixo que dixera condenado a 30 anos de cárcere, e tamén que determinadas series lanzaran mensaxes á xuventude na que o maltratador fora desprezado polos seus veciños e que estes puideran chamar a policía e que nunca aparecera o seu nome como denunciantes. Sostén que todos estas mensaxes serían importantes para axudar a que a muller ó final non fora asasinada.

Reunión coa directiva da Praza de Abastos

Xerardo Conde Roa e María Jesús Sáinz mantiveron hoxe unha reunión coa directiva da Praza de Abastos na que falaron dos problemas cos que se atopa esta asociación.

No encontro, Conde Roa manifestou que si o PP goberna impulsará un aparcamento no subsolo da Praza de Abastos, porque considera que é importante para solucionar os graves problemas de falta de aparcamento co que se atopa este recinto. En este sentido os directivos manifestaron que tampouco funciona ben a ORA polo que o candidato popular anunciou que esta tarde o seu grupo trasladará un rogo ó pleno no que solicitará que se controle a rotación de vehículos nestas zonas inmediatas á Praza de Abastos.

O candidato do Partido Popular ó Congreso dos Deputados, Xerardo Conde Roa, presenta esta tarde a presidenta da Fundación Miguel Ángel Blanco, Mª del Mar Blanco, que pronuncia unha conferencia no Hotel Peregrino, en Santiago ás 20:00 horas.

Na súa intervención Conde Roa subliñará que “como tantas outras que día a día viven de cerca o terrorismo de Eta", Mª Mar Blanco é un exemplo de coraxe e de dignidade pola que amosa “solidariedade e respeto".

Tamén como “tivemos ó longo desta lexislatura que remata un claro exemplo de ata onde pode chegar a indignidade dun goberno que, esquecéndose dos máis elementais principios de respeto á legalidade e ás vítimas do terrorismo, non tivo o menor reparo en sentarse a negociar coa banda terrorismta de ti a ti, pactando incluso o futuro modelo do estado; apoiar a reinserción subvencionada a 1500 euros por etarra, cualificar de home de paz a Otegui ou deixar pasear as súas anchas o maior asasino da historia de España como é De Juana Chaos".

Para Conde Roa a banda terrorista Eta estaba acorralada e non recibía nin un so euro de financiación pública co que se demostrou que “o estado de dereito era capaz de acorralar a unha organización terrorista sen necesidade de usar métodos antidemocráticos, como se tiña utilizado noutras épocas, e que acabaron cos responsables da loita antiterrorista entre reixas".

Pola súa banda, dixo que o Partido Popular apoia á Asociación Vítimas do Terrorismo, que as ampara e defende incluso fronte a gobernos que “quixeron dividilas simplemente para cumprir os seus obxectivos políticos".

Ante a pasividade do goberrno municipal

O concelleiro responsable do seguimento da área de tráfico e transporte do Grupo Municipal Popular, Javier Sánchez-Agustino, presentou hoxe un paquete de medidas para favorecer as condicións de competitividade nacional e internacional do aeroporto de Lavacolla.

As iniciativas están recollidas nunha moción que será debatida o vindeiro pleno ordinario deste xoves, día 28 de febreiro. Para consultalas preme enriba deste enlace.

Dixo que o nove de marzo Santiago xógase que o Xacobeo teña ou non o apoio do novo goberno que saia elixido o 9 de marzo

O candidato ó Congreso dos Deputados polo Partido Popular, Xerardo Conde Roa, pediu hoxe na Praza de Abastos o voto para Mariano Rajoy porque dixo “está claro que cun santiagués ó fronte do goberno central podemos pasar de ser unha cidade cuio Ano Santo teña escasa trascendencia a que sexa un ano de relanzamento con grandes proxectos que traian a Compostela mellores infraestruturas e máis proxección internacional".

Engadíu que está seguro que co apoio de Rajoy pódese conseguir aproveitar esta data para darlle maior despegue á cidade porque “Mariano Rajoy, o candidato do PP, é de Santiago, é galego e coñece a trascendencia internacional do ano Santo en toda Galicia".

Xerardo Conde Roa visitou hoxe a Praza de Abastos acompañado polo voceiro do Grupo Popular na Comisión de Asuntos Exteriores do Congreso dos Deputados, Gustavo de Arístegui. Tamén pola candidata ó Senado, María Jesús Sáinz, así como concelleiros e membros do Partido.

Na visita lanzou unha mensaxe de optimismo canto ós resultados do vindeiro 9 de marzo, e agredeceu a gran receptividade e acollida que lle brindou a xente no mercado compostelán, onde percorreron os postos pedindo o voto para Mariano Rajoy.

Engadíu que en xeral a xente está preocupada pola situación na que se atopa o país dende o punto de vista da crise económica que estamos atravesando e á que -dixo- “nos levou o goberno socialista". Tamén sobre a situación territorial de España “o que nos da moitos ánimos para facer unha campaña electoral fuerte coa que poidamos gañar as vindeiras eleccións como así vai ser, cun mensaxe de optimismo e tranquilidade", engadiu Conde Roa.

Gustavo de Arístegui

Pola súa banda, o voceiro do PP na Comisión de Asuntos Exteriores do Congreso dos Deputados, Gustavo de Arístegui, cualificou hoxe de “incrible e irrisorio” as declaracións da socialista Elena Valenciano de que o PP copiou a política exterior do programa do PSOE.

Neste senso manifestou que “si o PSOE tivera seguido esa política exterior -en referencia á do PP- non estaríamos aislados no mundo e desaparecidos dos foros máis importantes do planeta".

Asemade, en relación ós ataques da embaixada de España en Venezuela, indicou que “sabe a pouco” a condena feita polo goberno socialista porque o fixeron “coa boca pequena".

Tamén pediu ó goberno venezolano unha rotura de todo vínculo con organizacións terroristas ilegales declaradas como tales pola UE e por EE.UU de América".

Dos candidatos ó Congreso e ó Senado, Xerardo Conde Roa e María Jesús Sáinz respectivamente

Preocupados polo colapso de tráfico en Santiago, demandan a ampliación e peche do periférico e o terceiro carril da autoestrada

O candidato do Partido Popular ó Congreso dos Deputados, Xerardo Conde Roa e a do Senado, María Jesús Sáinz, mantiveron hoxe unha reunión coa Xerencia de Area Central na que falaron dos problemas de tráfico en Santiago de Compostela, do Centro comercial de As Cancelas e dos problemas do sector do comercio como a lexislación dos horarios de peche e aperturas, así como do pequeno comercio.

No encontro, no que estivo tamén o presidente do PP de Santiago, Ricardo García-Borregón, expuxeron a necesidade urxente da ampliación do periférico e do seu peche pola zona norte, así como da necesidade de construción do terceiro carril da autoestrada, infraestrutura necesaria para aliviar o tráfico en Santiago.

Tamén falaron doutras obras que axudarían a solucionalos como o túnel de Galuresa ou a ampliació do vial Sar-Pontepedriña. No primeiro caso Conde Roa considerou “bochornoso alongar durante 41 meses unha obra de 520 metros de lonxitude, cando en Madrid soterraron 56 quilómetros da M-30 en tan só 30 meses.